Changer d'édition

Lëtzebuerger Lidder däerfen net verluer goen

Actioun Lëtzebuergesch besteet elo säit 50 Joer an huet sech an allen Ecken fir eis Sprooch agesat a wäerd dat och nach wieder energesch duerchféieren. Dierfer- Stroossen- a Flouernimm ginn erëm op lëtzebuergesch gebraucht. Mat enger räichhalteger Bicher- an Broschüeren Editioun, fënnd een hei alles wat een iwwert eis Mammesprooch wësse wëllt a soll. All eis Gléckwënsch an datt dat och wieder vill Leit Interesséiert, och déi, déi vu baussen erakommen.

Dozou gehéiert awer och : « Lëtzebuerger Lidder däerfen net verluer goen »
No deem Moto gëtt et ëmmer méi wichteg dat ze retten wat nach ze retten ass. Hëlleft duerfir all, eise Lëtzebuerger Lidderschaz erëm opliewen ze loossen an ze erhalen, an de Schoulen, an de Veräiner an der Gesellschaft, an der Famill !

Lidder erzielen äis jo och meeschtens eng ganz an interessant Geschicht a sinn duerfir och eng wäertvoll Hëllef an den Lëtzebuerger Coursën.

Lëtzebuerger Lidder fënd een iwwer d’Land, Géigenden, Dierfer sou wuel wéi iwwer fréier Beruffer, Bräicher, Monumenter a bedeitend Leit, iwwer Fester a Feierlechkeeten, iwwer Veräiner, Hobby a Sport, iwwer Iessen, Drénken a Léift, iwwer all Altersgruppen a Sozial Schichten, ma och aus schwéieren Zäiten a vun traurege Momenter, och Reliéis Theemen oder Kannerlidder. Et geschitt jo näischt wouriwwer een net ee Lidd fanne géif fir ze sangen oder ze liesen !

Niewt engem Archiv vun 4000 Lëtzebuerger Lidder ( Wierder an Nouten ) gëtt et elo och 2 Lidder-Bicher, mat 95 däer Päerelen déi fréier iwwerall, auswenneg gesonge gouwen, ma lues a lues an de Vergiess gerode sinn well se a kenge Bicher woaren!

Fir 20€ de Band ( 22€ mat Porto ) kënnt dir dëse Kulturpatrimoine an äerer Bibliothéik hunn, ma net nëmme fir schéin ze maachen, ma fir iech an äere Frënn epuer freedeg Stonnen ze gönnen !

Jean Kandel 7, rue Luitgardis L-8244 Mamer 621 665 212 / jeankandel@pt.lu

Oder : Bicherbuttiker: “Um Fieldgen“ an der Stad, „Am Wenkel“ zu Bartereng, „Diederich“ zu Esch, „100% Lëtzebuerg“ an „Eicatcher“ zu Gréiwemaacher.