Change Edition

Am Daal vun der Bëtlerbaach bei der Schaulsmillen.

D'Bëtler Baach entsteet an der Belsch, 1,5 km westlech vun Harel, aus dem Zesummelaf vum Ruisseau de Lutremange an dem Ruisseau de la bonne Eau (407 M (NG-L)). Direkt duerno fiddert se de Weier vun der fréierer Gierwerei vu Bëtleng a kritt just éier se bei der Gossemaark LB192 op lëtzebuergeschen Terrain leeft, d'Waasser vum Ruisseau de la Gotte derbäi.

Si ass ongeféier 3,5 km laang, leeft a südlecher Richtung, ufanks ronn 700 Meter an der Belsch, da laanscht déi fréier Schaulsmillen a bilt dann nërdlech vu Sir zesumme mat der Hareler Baach d'Syrbaach (360 M i. NN). Iwwer e Millegruef gouf hiert Waasser benotzt fir d'Rad vun der Sirer Millen ze dreiwen.