Als eenzegt Vollek keen nationalt Parlament méi

Eist nationalt Parlament, d'Chamber, vertrëtt déi 335 000 Lëtzebuerger, déi et gëtt, dovun 301 000 zu Lëtzebuerg an 34 000 am Ausland. Genau wéi bei all anerem nationale Parlament an Europa vertrëtt d'Chamber nimools alleguer d'Awunner vu Lëtzebuerg an op kee Fall déi Auslänner, déi hei wunnen.

Si hunn hir eege Parlamenter an deene Länner, wou si och hire Pass kréien an eventuell hire Militärdéngscht musse leeschten. Den däitsche Bundestag vertrëtt och net déi Fransousen, Tierken oder Lëtzebuerger, déi zu Köln oder Hamburg wunnen. Par contre vertrëtt de Bundestag déi däitsch Bierger, déi zu Lëtzebuerg wunnen an dofir wiele si och fir de Bundestag.

Sollt d'Auslännerwahlrecht kommen, géif dat bedeiten, dass d'Lëtzebuerger als eenzegt Vollek an Europa keen nationalt Parlament méi hätten. Domat hätte mir eis Natioun an eis Souveränitéit ofgeschaf. Mat engem sougenannten „Awunnerwahlrecht“ kéinten iwwregens déi Lëtzebuerger, déi am Ausland wunnen, néirens méi wielen.

Am Sënn vun der ganzer Lëtzebuerger Natioun wier et also besser, d'Auslänner géife weiderhin fir hir Parlamenter wiele goen. Fir eis Chamber wielen dann, wéi bis elo, all d'Lëtzebuerger plus déi Auslänner, déi sech fir d'Lëtzebuerger Nationalitéit entscheeden an domat weisen, dass se sech mat eiser Geschicht, eiser Identitéit, eiser Sprooch, eisen Traditiounen an eiser Kultur identifizéieren an doduerch eng emotional Bindung zu eisem Land hunn.

Fred Keup, Mamer

Lesen Sie mehr zu diesem Thema

"Der wichtigste Tag im Jahr für die Nation"

Premier Bettel unterstreicht in seiner Ansprache zum Nationalfeiertag die Wichtigkeit des 23. Juni, blickt aber auch auf den Wahltermin im Oktober.

Knaschtegen Damp

„Lettre d’amour au peuple qui ne connaissait pas le verbe aimer“

Mir sinn elo 100 Joer laang gutt gefuer ...

Äntwert op dem MilLorang säi Lieserbréif mam Titel „Relatioun vun Natioun a Wahlrecht“.