Wählen Sie Ihre Nachrichten​

Coupe scolaire 2014 zu Recken op der Mess

Den 31. Mee 2014 huet d’Elterevereenegung APERM wéi all Joer, an Zesummenaarbecht mat der Mobilitéits- an Transportkommissioun a mam Léierpersonal zu Reckeng, déi lokal Coupe scolaire organiséiert.

Bei der Coupe scolaire geet et em d’Förderung vun der Verkéierserzéiung fir Schoulkanner aus de Cyclen 4.1 & 4.2. Dëst Joer si 45 Schoulkanner mam Vëlo e Parcours duerch Reckeng gefuer a goufe bewäert op hiert Verhalen am Stroosseverkéier.

Donieft gouf och e Geschécklechkeetsparcours opgeriicht. Hei sinn d’Schüler beim Pompjeesbau e Parcours ofgefuer an hu verschidden Hindernisser misse bewältegen.

Folgend Kanner konnte sech dëst Joer duerchsetzen :

Coupe scolaire:
1.Da Costa Goncalves Lara
2.Pohl Sarah
3.Hoffmann David

Geschécklechkeetsparcours:
1.Weyland Theo
2.Hoffmann David
3.Marso Jeremy
4.Braun Conny

E grousse Merci nach eng Kéier un déi vill Leit, déi eng Hand mat ugepak hunn. Ouni sie wär déi Organisatioun guer net méiglech.

D’Lara Da Costa Goncalves vertrëtt eis Gemeng op der nationaler Finale vun der Coupe scolaire vun der Sécurité Routière. Dës gëtt dëst Joer den 6. Juli 2014 vun 14 Auer un bei eis zu Reckeng duerchgefouert.

Weider Informatiounen: http://www.aperm.lu