Wählen Sie Ihre Nachrichten​

Commémoration Nationale zu Groussbus

Och zu Groussbus ass sech dëser Deeg un de Widderstand vum Lëtzebuerger Vollek géint d'Nazioccupatioun am zweete Weltkrich erënnert ginn.

Dëst Joer ass besonnesch un déi Fraen, Mammen a Meedercher geduecht ginn, déi an der Bléi vun hirem jonken Alter an de Reichsarbeitsdienst forcéiert goufen, a woubäi 58 Fraen an der Friemd gestuerwe sinn.

Dem Buergermeeschter Paul Engel war et wichteg grad an dësen Zäit, wou Rassismus a Friemenhaass, souwéi Ausgrenzung vun anescht Denkenden erëm iwwerhand huelen an Europa, drun z'erënneren, dat et u Jidderengem vun eis läit Wäerter ewéi Toleranz, Mënschlechkeet a Fridden héich ze halen, an de néidegen Zivilcourage opzebréngen dës Wäerter och ze verdeedegen.