Op enger sonneger Terrass zu Hollerech

Mäi Solarmobil ass jo richteg flott, mee vu Reen hat de Verkeefer näischt gesot...

A lass... Wou ass scho méi Norden???

Déi 600 éischt Kilometer si gebongt. Nach owes kuerz virun 8 sinn et 25 Grad. De Norde weist sech vu senger südlecher Säit!

Lauter Gecken hei beim Fussball...

... mir hat e ganz anere Public Viewing et ugedoen.

Ech hu mech du weider gemaach, ëmmer dem groussen N um Kompass no.

Wat hat deen e Gesiicht gemaacht, an dunn wollt en einfach guer näischt méi soen.

Meng Recherchen hu mech an e klengt Fëscherduerf östlech vu Christiansfeld gefouert.

Hell wéi am Daach wor et, obwuel et schon owes no 8 Auer wor ...

... a néirens eng Mënscheséil ze gesinn.

Ech mengen, dat mat dem Norden, dat ass eng ganz grouss Saach.

Ech soen Iech, léif Lieser, hei geschéie komesch Saachen. Den Edouard Servais bleift drunn!

Op een Hoer hat ech mech gëschter verléift. Nët an déi vill blond Meedercher, déi et hei an Dänemark gëtt, mee...

... a Midtjylland... an eng wonnerschéi Landschaft tëschent Skanderborg a Silkeborg mat vill Séier a Mënsche mat engem grousse Laachen.

... mee wat schwätzen déi eng Sprooch hei??? Do hat ech dach bal d'Schlappe verluer.

Et ass mer schwéier gefall, mee hunn et schlussendlech awer gepackt, Silkeborg hannert mer ze loossen a si weider bis ganz uewen an Dänemark... op Frederikshavn gefuer.

De Norden huet geruff an ech si komm... Mat der Fähr goung et weider vu Frederikshavn op Gøteborg.

Knapp 2 Stonne fir dem Norden e grousst Stéck méi no ze kommen.

Gøteborg ass um Enn vum engem lange Fjiord opgetaucht.

An d'Schwede si summerlech Leit... 18 Grad...  Summer pur!

Gro schéngt de Norden net ze sinn. Zu Gøteborg huet mech eng ganz farweg Welt erwaart.

... A Musek an allen Ecken!

Ech wor gewarnt... Virun Trollen a soss nordesche Kreaturen.. Mee richteg serieux hat ech dat ni geholl... Desto méi ass mer dann och de Wappes gaang, wéi ech "Trollhättan" gesinn hunn... Sollt dat ieren de Big Äppel vun der Ënnerwelt sinn? Wi ech schon emol sot, ech si kee Fäerteregen, mee ech hun awer mol besser e Bou ronderem gemaacht.

Firwat steet den X hei um Fiels? Ass hei schon de Nordpol? Dee geografeschen? Dee magnéiteschen? Oder sinn et schon erëm d'Trollen? Firwat kuckt dee Vurrel mech sou béis? A firwat kreesen déi aal amerikanesch Autoen op eemol hei ronderëm? Komesch komesch...

Alles huet roueg ugefaang, mee dunn hun op eemol an all Eck Automate geblénkt an et sinn Hostesse mat Weenercher voll mat Alkohol an Tubak opgetaucht.

Gäre wier ech an de Fëscherdierfer op der schwedescher Westküst hänkebliwwen, mee et waart nach ëmmer ee Secret op mech.

An enger schéiner Mieresbucht e bëssi méi südlech, hunn ech mäi Quartéier opgeriicht.

Hei ass alles an iwwerall Fjiord... A Brécke ginn et na laaaaang net iwwerall.... D'Gullbritt war do, wi ech et gebraucht hunn... An de Norden 'rëm e Stéck méi no!

Ech war net aleng. Op engem verloossene Fiels hunn ech de Kolleg hei mam Dudelsak kennegeléiert, dee mer Geschichten iwwert de Norden erzielt huet.

Wow, sou schéi kann de Norde sinn. Ech sinn einfach nëmmen ewech... Zu Lëtzebuerg kéint d'Sonn och mol owes um 11 schéngen! Nee? Gutt dat de Schaffner vun der läschter Bunn geruff huet, soss hätt ech hënnt e Bett mat Vue sur Mer an ënnert fräiem Himmel gehat.